akunamatata

    1. ARROPA: 

              Arropa, beroki edota zapatak erosterakoan dituzun alternatibak kontuan har itzazu. Larru edo artilezko produktuak erosi beharrean sintetikoak edo zuntz bejetalezkoak erosi. Merkeagoak dira, besteak bezain politak eta animaliei ez die minik ematen.

 

    2. JANARIA: ( nire aldetik zail ikusten dut)

                 Haragi, arrai, esne eta arraultzen kontsumoa gutxitu. Kontsumorako diren animali gehienak granja intentsiboetan hazten dira eta hemengo bizi baldintzak izugarri latzak eta krudelak dira. Animalien sufrimendua ekiditeko dieta bejetariano bat egin dezakezu.

                                                         

 

   3.KOSMETIKOAK:

                  Animaliegan esperimentatuak izan ez diren garbiketa produktu eta kosmetikoak eros itzazu. Ez kolaboratu animaliei erasotzen dien enpresekin,  hauek animaliei azalean eta begietan txanpuak probatu eta komunetako garbikinak irensiarazten baitizkie.

                                                       

 

4. EHIZA:

            Konbentzitu zure inguruko jendea ehiza, arrantza edota, ongi pasatzeko, animaliak harrapa ez ditzan.  Ekintza krudel hauek guztiak  izugarrizko oinazea sortzen die animaliei, eta bizitzeko duten eskubidea eta gaizki tratatuak ez izateko duten eskubidea baztertzen zaie.

                                                        

 

    5. GATIBU:

           Goza ezazu animaliez beraien ingurune naturalean, hauei traba edo kalterik egin gabe. Gehiegikeria izan ohi da animaliak zoologiko, zirko, rodeo eta akuarioetan tratatzeko eta giltzapetuak edukitzeko era.

                                                      

 

6. HEZIKETA:

          Zure inguruko unibertsitate edota ikastoletan animaliekin esperimentatzen bada gogor protesta ezazu. Animaliei mina, beldurra, etsipena eta heriotza eragingo dieten esperimentuetan ez parte hartu eta pelikulak edo ordenadore simulazioak bezalako alternatibak proposatu.

                                                   

   7. BABESA:

            Galdutako edo jaberik gabeko animaliaren bat aurkituz gero ondo zainduko duten leku ziur bat bila ezazu. ” Babesleku” edo zakurtegi batera eraman behar baduzu, bertako arauez galdetu eta ziurtatu  ondo zainduko dutela. Ahal den heinean zakurtegiko animaliren bat adoptatu ezazu.

                                                 

 

8. LAGUNAK:

           Ez eskuratu animalia exotikorik. Ziurtatu ezazu zure kargura dauden animaliak edo zure ingurukoak ongi tratatuak daudela. Gogora ezazu janari eta paseoez gain, animaliek ere maitasuna, konpainia eta arreta behar izaten dutela.

                                                

 

      9. EKIN LANARI:

                 Erabili  ezazu zure ahotsa eta denbora librea babes gutxien dutenen alde. Animaliei gizakiok sortzen diegun dohako oinaze eta tratu txarrak amaitu daitezen lagundu ezazu.

                                              

Denbora dezente pasa da azken bidalketaz, baina examinak hastear zeudenez txoko hau alde batera utzi behar izan dut. Oraingoan  denbora gehiago izango dudanez, nahiz eta asignaturaren bat pendiente utzi, lanari gogor ekingo diot.

Gaurkoan, aurreko bidalketekin alderatuz, gaia errotik aldatuko dut.

Azterketei buruz hitz egiten ari nintzela eta, hauetan buruari gogor eman behar izaten zaionez, txakur honen bideo hau erakustea aproposena iruditu zait. Hori da hori, bizia konplikatzea!! Pistinara salto egin eta busti baino edozer egingo lukeela garbi utzi du behintzat.

 Bestetik bideo hau ere erakustea ezinbestekoa iruditzen zait, telebistan hainbatetan agertzen diren zaping famatu horietako bat.

Besterik gabe beste bat arte.

Hurrengoan nire txakurraz hitz egingo dizuet.

            Kanadako gobernuak aurten ere foken ehiza burutzea ahalbidetu du. 320.000 foka inguru akabatuko dituzte legearen kontra dauden bateen eta beste hainbat tramankulu zorrotzen bidez. Animalia eder hauek 12 egun edo hilabete ingurukoak izaten dira, larruaz gain, koipea ere aprobetsatzen dute eta gezurra badirudi ere, baita zakila ere (produktu kosmetiko garestiak egiteko).

Berezitasun gisa, herrialde honetako arrantza ministroak zera dio, ehiza foken gehiegizko populazioagatik baimentzen dutela eta bestetik, arrantzaleen onuragatik egiten dutela, bakailaua gutxitzen ari dela eta diru arazoei aurre egiteko beste aukerarik ez dutela. Gainera, bakailaoaren desagerpena fokei leporatzen diete kanadako gobernuak, nahiz eta, zenbait aditu eta biologoek ez duten horren frogarik aurkitu. Azken batean fokak izurri moduan ikusten dituzte.

Hiltzaile hauek ingurune horietara inguratu baino lehen, fokak lasaitasun ikaragarrian bizi dira eta hemen klikatu ondoren argi eta garbi ikus daiteke basapiztia hauek eragiten duten hondamendia.

           ALDE DAUDENAK:

Tramankulu horiekin fokei buruan jotzearen arrazoi bakarretakoak hauexek dira beraientzat:

- Animaliek gutxiago sufritzen dute.

- Honela larrua dagokion kondizioetan mantentzen da.

- Armak ez erabiltzaren arrazoia garbi ikusten dute, fokak hiltzeko tiro bat baino gehiago behar badute larrua hondatu egiten dela eta ez duela gerora merkaturatzeko balio.

            KONTRA DAUDENAK:

- Bate zorrotz hauekin hiltzearen arrazoi bakarra merke ateratzen delako da. Ez dute zertan muniziorako dirua xahutu.

- Animaliek inoiz baino gehiago sufritzen dute, kasu gehienetan, hilzorian uzten dituztelako, beraien heriotza zenbait orduz luzatuz.

- Kasu askotan larrua bizirik dauden bitartean kentzen die.

Azken finean, sekulako basatikeria dela eta garbi dagoela animalien aurka egin daitekeen erasorik krudelena dela. Halaber, ekintza honek ezin dezake inongo justifikaziorik onartu hauen iritziz.

Protect the seals web orriak markatzaile bat jarri du Kanadan ehiztarien esku hiltzen ari diren foken zifra adieraziz.

Zezenketak ez arte ez kultura.

San Ferminak dira seguruenik mundu mailan ezagunenak diren euskal festak. Ospakizun hau tradizioari guztiz lotua dago, alde batetik, entzierroak eta bestetik, bertan parte hartzen duten zezenen hilketak burutzen direlarik.

Entzierroak ospatzea ez zait orren krudela iruditzen, nahiz eta, zenbait parte hartzailek zezenarekiko duten jarrera lotsagarria izan. Baina ekitaldi honek behintzat zezenaren bizia ez du arriskuan jartzen eta hori da nire iritziz garrantzitsuena.

Entzierroez gain zezenketak daude. “Ospakizun” honetan zezenak krudeltasun ikaragarriaz akabatzen dituzte inongo gupidarik gabe, hala ere, esan beharra dago, kasu gutxi batzutan animali hauei bizia barkatzen zaiela (plazan izan duten jarrera zintzoagatik).

Baina gatozen harira, zezenketa da, tradizioa oinarritzat hartuz, lege aldetik onartuta dagoen hilketa bakarretako bat. Kasu honetan gainera, biktimaren gain jende askok duen jarrera ulertezina iruditzen zait, zaila egiten baitzat pentsatzea animalia egoera tamalgarri horretan ikusteak eman dezakeen plazerra.

Ikus ezazue bestela bideotxo hau (irudiak nahiko gogorrak dira).

Bukatzeko, irudi hauek ikusita ere festa honen alde dagoen inor badago, utz dezala lasai bere iritzia.

Zenbait ikerketen arabera badirudi gorila eta txinpantzeak gure ahaiderik gertuenekoak direla, nahiz eta, teoria hau ikerlari guztiek amankomunean dutena ez izan. Hala ere, esan behar da teoria hau dela zabalduena eta aintzat ematen dena.

Aurrekoaren haritik, jakina da tximinoak gure artean aurkitzen diren animaliarik argienetakoak direla. Bestetik, gizakion zenbait jokaera ere badituztela iruditzen zait edo era batean, agian, imitatu ere egiten dituztela.

Bideotxo honetan tximu honek egiten duena, inork, inon eta inoiz ez zuela burutuko pentsatu nahi dut, bestela…

Azkenean badirudi inongo arazorik gabe blogak martxan direla, beraz, nire bloga gainetik azalduko dizuet. Animaliak izugarri gustatzen zaizkidan aldetik (batzuk beste batzuk baino gehiago, beti ere), guk orokorrean baraiekiko dugun jarrera, nik nire aldetik dudana, beraien bizimodua eta beste hainbat arlo azaltzea da nire asmoa. Ez pentsa aditua naizenik, ezta gutxiago ere, baina ahal den neurrian blogen mundu hau sakonki ezagutzen dudan heinean, beti ere, gai honi behar duen garrantzia ematen saiatuko naiz.

Besterik gabe.

Agur.

Welcome to Jakintzazu.net. This is your first post. Edit or delete it, then start blogging!